நினைவு 

நீரின் மேலிட்ட கோலமா?
     என் நினைவு
             உன் மனதில்
கல்லில் எழுதிய எழுத்து
     உன் நினைவு
             என் மனதில் !
செடியில் பூக்கும் மலரா?
     என் நினைவு
             உன் மனதில்
மின்னனால் ஏற்படும் விளைவு
     உன் நினைவு
            என் மனதில் !

நெஞ்சத்தில் உறுதியை விதைத்து
       நேர்மையுடன் பிழைத்த வந்தேன்
பஞ்சமான வாழ்வு இருந்தபோதிலும்
       பழித்து பேசாவண்ணம்  வந்தேன்
மஞ்சள் நிறம் வனத்திலே
       மதியாய் வாழ நினைத்தேன்
தஞ்சமென சென்ற இடத்திலோ
       தடுமாற செய்தது சூழல்

                        திரிபு 

  

              பாவேந்தர் பாரதிதாசன்

அமுதமென்று அழைத்திட்ட நிலையில்
   அருங்சுவை தோன்றிட கண்டு
அமுதமொழியால் ஆற்றல் கொண்டு
   அருமைப் படைப்புகளைக் கொடுத்தாய்

எங்கள் வாழ்வும் வளமும்
   என்றும் குன்றாத நிலைக்காகச்
சங்கொலி கொண்டு முழங்கி
   சான்றோரிடையே நிலைத்திட செய்தாய்

செந்தமிழை என்றும் மாறாத
   செழுமை சுவை நறுந்தேனாய்
பைந்தமிழாய் பாரினில் நிலைத்திட
   பல்சுவைப் படைப்புகளை அளித்தாய்

உயிருக்கு நிகராகத் தமிழை
   உள்ளத்தில் விதைத்து சென்று
உயிரே தமிழென ஓங்கி
   உரைத்திட கவிகளைப் படைத்தாய்

தமிழச்சியின் கத்தியாய் தோன்றி
   தனல்வீரத்தை தமிழருக்கு அளித்து
தமிழின் செழுமை திறத்தை
   தரணியில் சிறப்புற அமைத்தாய்

குடும்ப விளக்காக ஒளிர்ந்து
   குன்றாத புகழை கொடுத்து
தடுமாறும் நெஞ்சத்திற்கு வழிகாட்டும்
   தமிழைக் கொடுத்துச் சென்றாய்
                                                                             --- ம. கண்ணன்

நினைவுகள் மறையும்பொழுது
நிதியிலே நிறைந்து
நீ இருக்க வேண்டும்

மரணத்தை தழுவும் நிலையிலும்
மண்ணில்  புதைந்து
விதையாக வேண்டும்

மனிதன் மரணித்த போதும்
மாமணியாக வேண்டும் மண்ணிலே

என்றும் திகழும் உனது
திண்ணியவாழ்வு

உறவுகள் உன்னை
உதறி தள்ளும்போதும்
உயர்த்து அவர்களுக்கும்
உதவி செய்ய
மறவாதே

மக்கும் தேகத்தில்
மலையளவு ஆசைகள்
மரணத்தில் அவனை
மண்டியிட செய்யவல்லன

 வேண்டுகோள்

புதிய உலகை நோக்கி
கண் விழித்து பார்க்கின்ற தளிரே
உன்னிடம்
வேகம்  உண்டு
முயற்சி உண்டு
இளமை உண்டு
காலம் உண்டு
போராட்டக்  குணம் உண்டு
உன்னைப் போன்றே
மனிதரில்
குழந்தைக்கும் உண்டு
காலம்  செல்லசெல்ல
இக்குணங்கள்
நீங்கி விடுகின்றன
மனிதனைவிட 
வெற்றி காணும் நீ
முயற்சியின்
முன்னோடியாக
திகழ்கிறாய் 
உன்னைக் கண்டேனும்
திருந்திகொள்ளட்டும்
திருத்திக்கொள்ளட்டும்

தளிரின் முகம்


 

சிரித்த முகம் - அதில்
சிங்காரமாய் புன்னகை
சிக்கலோடு பேசுவோருக்கு- நொடியில்
சில்லென்று சாட்டையடி
சிலகணம்தொடரும் - நீல
சிவனின் சினம்
சிந்தனையில்என்றும் - அழியாத
சிகரத்தின் பொன்முடி
சிறப்பான இலக்கியங்கள் - கேட்போரின்
சிந்தையில் நிலைக்கும்
சீரான இலக்கணமோ - சொற்களில்
சிரித்து நிற்கும்
சிவப்பான தேகம் - அதனுள்ளே
சிந்தனை களஞ்சியம்

  மதிவாணர் மாண்பு

புன்னைகை தேவை
உன்
விழிப்பார்வையில்
விழுந்த நொடியில்
ஒடிந்து சிதைந்தது
என் மனம்
பசுஞ்சோலையாக
மாறவேண்டிய உள்ளம்
பாலைவனமாக
மாறியது ஏனோ
உண்மையான புன்னகை
இல்லையாயினும்
போலியான புன்னகை
செய்தால் என்ன
அனலாய்
மாறிய நெஞ்சத்தில்
சிறுதுளி பனியாவது
விழட்டுமே
உனக்காக
பலபொழுதுகளை
இழந்துவிட்டேன்
ஒரு நாழிகையேனும்
எனக்காக
 அர்ப்பணித்தால் என்ன